Bothan an Dàmhair: Tara NicFhraing & Càirdean

Thig còmhla rinn airson Bothan an Dàmhair, nuair a chuireas sinn fàilte air an t-seinneadair is neach-ciùil Tara NicFhraing agus a caraidean airson oidhche de phiàna, fìdhle agus dannsa-ceum.

Tha Tara, a bhuineas do Mhàbu ann an Ceap Breatainn bho thùs agus a tha a-nis stèidhichte ann an Alba, na tidsear, seinneadair Gàidhlig, cluicheadair piàna ann an stoidhle Cheap Breatainn, dannsair-ceum, agus croitear ann an Eilean Thiriodh.

Bho ghluais i a dh’Alba còrr is 10 bliadhna air ais, tha Tara air a bhith na h-oide aig na fèisean air feadh Alba, a’ teagasg òrain Ghàidhlig, dannsa-ceum agus ceòl traidiseanta air a’ phiàna.

Tha tiogaidean a' chosg £15. Lorgar barrachd fiosrachaidh mun tachartas agus cothrom tiocaidean a cheannachd an seo.

Chaidh an tachartas seo a chur air dòigh le Bothan Dhùn Èideann. Lorgar barrachd fiosrachadh mun deidhinn air;

• Instagram
• Facebook
• X