Feasgar Fosgailte aig Còisir Lunnainn

Tha Còisir Lunnainn a' cur fàilte oirbh uile chun an Fheasgar Fhosgailte seo! 'S e deagh chothrom a bhios seo coinneachadh ris a' chòisir agus airson seinn ma tha thu ag iarraidh. 'S e tachartas càirdeil is neo-fhoirmeil a bhios ann làn de dh'òrain is spòrs.

Chan fheum eòlas a bhith agad air Gàidhlig ro-làimh. 

Crìochnachaidh an tachartas gu foirmeil aig 9f agus às dèidh sin thèid sinn dhan taigh-seinnse ma tha thu airson a thighinn còmhla rinn! Chan fheum thu deoch a ghabhail - tha gu leòr de bhuill na còisir a bhios a' seachnadh deoch-làidir, ach tha gu leòr ann cuideachd a tha dèidheil air tè bheag!

Faodar an tachartas seo a frithealadh an-asgaidh.

Airson barrachd fiosrachaidh agus cothrom clàradh thèid gu làrach-lìn Còisir Lunnainn no cuir fios gu Fergus air post-d: coisirlunnainn@gmail.com